يافكري المحموم مااضيق مجالك ما هز بك مطرب ولا عازف الناي
سريت مع همك و في ليل هالك والهم غطاني من قصاي لقصاي..
ضاقت بعيني واسعات المسالك يوم اندمج حبي بطيبت نواياي
جرحت قلب((ن)) بلمحبه سعالك يوم اعتبرتك كل كوني ودنياي..
مثلتله حبك وبلحب جالك وقوللك آمر على الروح مولاي
قدمت روحي في المتاعب بدالك اطلب رضا نفسك ولا همك ارضاي..
صحيح انك آية في جمالك وان بعيونك دائي يازين ودواي
واني حبيبي مااتعوض بدالك لنك هوى بالي وشفي ومدواي..
انا رفعتك لين غرك دلالك وجرحتني جرح بخفى الروح مخفاي
اصد صدمات الزمن لاتنالك وانته بصمتك تشعل النار في حشاي..
اشعل شموعك واترجى وصالك واتخيلك من وين مااصد وياي
نضحك واشرح شوق قلب((ن))صفالك واحس بك في ليلي المعتم اضياي..
فجأه ولني ساهر مع خيالك او كن شخصك خارج من حناياي
هل كيف تنسى في الهوى ما مضالك يالين صرت اليوم في البعد منساي ..
اصيد وفك بيديني حبالك ولعب بشخصك لعبة الطفل في الماي
لاصرت تنوي الهجر ولا طرالك نذر علي اجنبك وبعد خطاي ..
ماكان ودي غير يااحمد شحالك او اي كلمه غيرها ما على باي
اقفيت وعيوني تخيل زوالك وكلمة وداع الله نمة ع شفاي