مليت أدور حق

من زود ماقلبي على الصدق مايل
حسيت كل الناس ع الصدق يمشون

لين اكتشفت الكذب كالماي سايل
ما للصدق موطن على كون مجنون

صدقت حتى اللي علينا يحايل
وادعيت نفسي كاذب بخيبة ظنون

مليت أدور حق فاهم / دلايل
ومليت ادور للوفا شخص مصيون

لكن قليبي دايم الدوم شايل
حق الذي يوفون .. انسان ممنون

ماهمني فالناس / قيلن وقايل
القيل والقايل / علينا يمرون

والله أدري القلب يحمل علايل
لكني اصبر لو على الصبر ماهون

أمي تقول عروقنا من أصايل
وآبوي دايم يعطي الشاكي العون

أما أنا ماني عصيم الرذايل
لكن بداخل داخلي طهر مكنون

ماني على درب الغرور آتمايل
بالعكس متواضع ولانيب ملعون

لحظه ابرسل هالقصيده برسايل
حق لي رخص قدره ولو صار مليون

فيني من طبوع الذكور المرايل
وفيني جسد أنثى من الناس مطعون

مابي أنا (جده) ولا اريد (حايل)
أبغي قليب يحب ماعمره ايخون

كان الحبيب الي جماله خصايل
شاري بي الدنيا ولو كان لي يكون

لكن تبع لي يكذبون العمايل
وباع الخليل الي على دربه ايمون

باعه وهو من كان يجزي الجمايل
حب ووفا واخلاص ماعمره ايهون

أنا اشهد اني كنت قول و فعايل
لكنهم لرخاص ع الحال يبقون

بطرانه