يعني أموت من الغلأ عشان أبين لج غلاج
ولا عشان أحلى بشر تبيني لعبة في يديج
الله يرحم والدينج لاتسولفين عن حلاج
الشمس قبلج سولفت عنج ووصتني عليج
تعبت أعديها على خير وأعذرج
وأفتح معاج كل يوم صفحة جديده
ماهو عشان الناس كله لخاطرج
سويت منج السالفه والقصيده
حاولت أعدل في مزاجج وغيرج
عشان أطلع منج جمله مفيده
لج اللي يرضيج واللي تطلبينه أبشري به
أن كانها بالغلأأ ماواحدن حولج
أيه انتي من غيرج أحتاجه وأفكر به
ياكثر الأزوال لاكن مامثل زولج
ياعمري أنتي وحياتي وسط هالغربه
لو تدرين أشكثر أحبج طحتي من طولج
ياقلب مالي ذنب وان جيتك بذنب
الذنب ذنبك يوم طعت المطافيق
ياقلب يوم اني نهيتك عن الحب
مابيك لعبه في يدين المخاليق
ياقلب ان صادفت في وجهتك قلب
قله شبعت من الهواجيس والضيق
واللي يحطك جنب حطه على جنب
انت الخفوق وحاضنتك المعاليق
الصدر ضايق وانت ضيقت صدري
وانا معك من غير وجهه وتحديد
ياكثر ماتجرحني ويزيد صبري
كنك تقول أزيد وأقولك زيد
تقول ياعمري واقول انت عمري
كني وراك أسمع وش تقول وأعيد
أما تشوف ألوضعنا حل جذري
ولا بلاش الحب ونعيد ونزيد
الفكره اللي تدور وتلعب براسي
تفرد جناحينها عشان أطيرها
لو شفتني والقصيد يعانق أحساسي
كني مضيع وياج حاجه وأدورها
الحب في هالزمن مثل الزمن قاسي
تفداج ناسن أتمثل في مشاعرها
أن قمت هي قومتي وان طحت متواسي
والدنيا لو تنقلب ماراح أعبرها
كلن يعيش العاطفه في خياله
أنا في زماني وأنتي عيشي في زمانج
من اليوم ورايح كل واحد بحاله
لاتحسبين ان الله خلقني عشانج
وشلون ما أكتب شعر وأرفع لج الصوت
وأنتي الوزن والقافيه والمعاني
تبيني اكتب بيت راح اكتب بيوت
راح أشعل الليله قصيد وأماني
مادام صوتج دافئ وشفايفج توت
وشلون مايطلع كلامج أغاني
البنت هاذي على روحي أمبديها
وأحس حتى العمر معها ماهو كافي
لا ضمت أيديني وذابت معى أيديها
لو كان فيني بلى عودت متعافي
أما تجي من نصيبي وأهتني فيها
ولا عساها نصيب لواحد سنافي
لابغيتي بيوم تسوين فيني معروف وجماله
ياتجين كلج معاي ياتخليني بحالي
حبه حبه أنتي ظالمه والهوا يبغي عداله
خلينا نظهر من الواقع على الجو الخيالي
أنتي عمرج شفتي لج واحد يسولف مع ظلاله
هذا أنا من كثر ما أشعر فيج أحس أنج ظلالي
